Seanca e sotme në Kuvend është shoqëruar me replica mes ministrit të Brendshëm, Sandër Lleshaj dhe deputetit Myslym Murrizi, pas akuzave të këtij të fundit për një tender korruptiv sipas tij, për uniformat në Ministrinë e Brendshme me vlerë 23 mln euro.
Lleshaj e sfidoi t’i çonte provat në Prokurori, por Murrizi u shpreh se nuk ia përmendi atij emrin, madje shtoi se vetë ministri ishte në gjumë, kur vinin paratë e fituar nga ky tender në ministri.
“Mos i bëni ftesë retorike prokurorisë, çojini atje ato gjëra që keni se i bëni shërbim qytetarit. Mos e bëni ju prokurorin, çojani atyre. Unë refuzoj të merrem me këtë dhe refuzoj këdo që i thotë vetes shqiptar dhe tenton të gjejë qoftë edhe një nanogram lidhje mes akuzave që kemi me mua”,- tha Lleshaj.
Në replikë, Murrizi u shpreh:
Zoti Lleshaj unë nuk vi nga rruga, s’kam frikë, prokurorinë e shoh në sy si çdo burrë e grua me karrige, të garantoj që do i coj në SPAK të gjitha, s’kam thënë që ju firmosni tendera. Unë e di kush është shefi i tenderave në ministrinë tate, ty se di kush ta ka kafshuar gjuhën. Ti je në gjumë kur vijnë këstet në ministri, mos më ngri supet se po të kem gjëra konkrete për ty t’i them e s’më trembet syri”,- deklaroi Murrizi.
Ka.Li/fjala.al
