Policia gjermane ka gjetur një bodrum të fshehur në një kopsht te vendbanimi ku jetonte i dyshuari kryesor për zhdukjen e vajzës 3-vjeçare Madeleine McCann në Algarve në 2007. I dyshuari kryesor, Christian Brueckner , dyshohet se ka jetuar në këtë vend afër qytetit të Hannoverit në 2007.
Ndërtesat në truallin ku jetonte i dyshuari u rrënuan në vitin 2008. Forcat e sigurisë kanë gjetur bodrumin nën themelin e ndërtesës së rrënuar. Qentë të specializuar janë duke u përdorur në zonë për të kërkuar kufomat e mundshme . Një fqinj, i cili kishte kopshtin e tij ngjitur me atë të të dyshuarit, tha se Brueckner arriti në 2007 dhe jetoi atje për një vit.
Çfarë ndodhi 13 vjet më parë?
Në Maj të 2007, Gerry dhe Kate McCann po qëndronin në një apartament me pushime në Praia da Luz, në Portugali, me 3 fëmijët e tyre.
Çifti doli për darkë me disa miq në një restorant aty pranë, duke i lënë fëmijët në gjumë në apartament.
Ata i kontrolluan herë pas here gjatë mbrëmjes, por kur Kate u rikthye në apartament rreth orës 22:00, pa që Madeleine nuk ndodhej në shtëpi. Zhdukja e saj nxiti një operacion kërkimi ndërkombëtar dhe hetime të cilat vijojnë edhe sot e kësaj dite.
/En.Br./Fjala.al
