Etilda Gjonaj, ministrja e Drejtësisë ka firmosur ditën e sotme urdhrin për izolimin në qelitë e regjimit të posaçëm 41 bis, të bosëve të krimit.
Prej muajsh Prokuroria e Posaçme Kundër Korrupsionit dhe Krimit të Organizuar (SPAK) i ka kërkuar Ministres së Drejtësisë Etilda Gjonaj që të firmoste urdhrin për izolimin në regjimin special të 8 bosëve të krimit.
Kreu i SPAK Arben Kraja i ka dorëzuar dokumentin që duhet të firmos Gjonaj dhe kërkon dërgimin e këtyre të dënuarëve në dhomat e regjimit të rreptë të ashtuquajtur “41 bis”. Pas katër muajsh kërkesa e SPAK është firmosur nga ministrja Gjonaj dhe në Burgun 313 janë bërë gati prej kohësh 10 qeli që do të presin bosët e krimit.
Për zbatimin e regjimit special që izolon totalisht nga bota e jashtme bosët e krimit dhe që aplikohet për herë të parë në Shqipëri, ministrat Gjonaj e Lleshaj do dalin në konferencë për mediat, bashkë me kreun e SPAK Arben Kraja. Ka.Li/fjala.al
