Një zjarr ka rënë në bodrumin e një pallati në Fier në mesnatë. Zjarri ka rënë në një automjet dhe më pas ka përfshirë dhe veturat e tjera përreth.
FNSH dhe Polica kanë evakuuar menjëherë banorë teksa zjarrfikëset kanë punuar për fikjen e flakëve.
NJOFTIMI NGA POLICIA
Fier/Informacion paraprak
Rreth orës 23:50, në bodrumin e një pallati ku ka të parkuara mjete, dyshohet se në një automjet ka rënë zjarr e për pasojë janë përfshirë nga flaket edhe disa mjete të tjera.
Në vendngjarje ndodhen punonjës të shërbimit zjarrfikës, të policisë, FNSH dhe ambulanca dhe po punohet për fikjen e zjarrit.
Shërbimet e Policisë Fier dhe të FNSH po vijojnë me shpejtësi evakuimin e banorëve nga pallati.
Grupi hetimor ndodhet ne vendngjarje dhe po punon për sqarimin e rrethanave të rënies së zjarrit.
Ka.Li/fjala.al
