Akademiku Artan Fuga vijon të jetë kritik me ministren e Arsimit Besa Shahini. Në emisionin “HARD TALK NGA ROLAND QAFOKU”, ai tha se urdhrat e saj kanë sjellë kaos në arsim, veçanërisht në universitete.
E kam pak vështirë që sot të bëj këto analiza, por ajo që unë kam pasur dhe vazhdoj ta kem bindjen time është se kanë qenë urdhërat e ministres Besa Shahini të cilat e kanë futur në kaos botën universitarë shqiptare. Për tre arsye: E para sepse sigurisht ajo ka qenë e detyruar të anulojë dy herë zgjedhjet pa ti dekretojë tre herë brenda 4-5 muajve dhe s’ka qenë përgjegjësi e saj sepse kjo ishte situata por unë gjithmonë kur kanë dalë urdhërat kam thënë: Ky urdhër sjell kaos. Sepse nga njëra anë anulonte zgjedhjet dhe nga ana tjetër disa rezultate të situatës deri në atë kohë nuk i anulonte. Pra, anulonte zgjedhjet por mbante kandidatët. Dhe unë i thosha: Ose do anulohen zgjedhjet dhe gjithë këta kandidatë do të quhen të hequr, ose do sjellë shpesh here që ata që janë ta zëmë rektorë, ata do të përpiqen të bëjnë gjithçka që të rimandatohen. Arsyeja e dytë që i kam kritikuar këto urdhra të ministres sepse nga njëra anë thoshin që institucioni mbyllet dhe nga ana tjetër thoshte: vazhdoni procedurën e zgjedhjeve. Si mund të bëhet kjo kur institucioni është i mbyllur? Dhe e treta ishte që nuk mund të dekretohen këto zgjedhje kështu, pa marrë parasysh ku janë trupat elektorale? Ku janë pedagogët? Ku janë studentët në momentin që do bëhen zgjedhjet pas një muaji, si do konstituohen këto komisionet zgjedhore, si do bëhen këto diskutimet? Duhet thënë që ne si universitarë duhet të diskutonim një gjë të madhe. Mbas 6 vjetësh të ligjit të ri për Arsimin e Lartë, çfarë ka sjellë ky ligj?/Fjala.al/Ke.Ba
https://www.youtube.com/watch?v=_aUEd6SDgiY
