Ndeshja e kthimit për fazën e 1/8-ave për Champions League midis Barcelonës dhe Napolit që është planifikuar për t’u luajtur me 8 gusht, do zhvillohet në “Camp Nou”.
UEFA duket se nuk ka ndërmend të ndryshojë skemën, ndonëse rastet e infektimeve me Covid-19 vijojnë të rriten.
Te enjten UEFA bëri me dije se ky takim do të luhet në “Camp Nou” dhe deri më tani nuk ka ndryshim të planit.
“Ndeshja do të zhvillohet në Barcelonë, ashtu siç ishte planifikuar. Asgjë nuk ka ndryshuar”.-u tha në njoftimin e qeverisë europiane të futbollit.
Ndërsa vetë klubi i Barcelonës ka kërkuar një raport nga Ministria e Shëndetësisë për të mbështetur zhvillimin e ndeshjes në ‘Camp Nou’, që të mos i shfaqen probleme dhe të sigurohet shëndeti i secilës skuadër.
Katalanasit kanë zbatuar me sukses të gjitha masat për ta mbrojtur veten nga Covid-19 dhe asnjë anëtar i saj nuk është infektuar.ka.ta/Fjala.al/
