Një adoleshent britanik akuzohet se ka hakuar faqen e mediave sociale Twitter dhe se ka vjedhur mijëra dollarë në Bitcoin ku në mes tyre ishin dhe llogaritë e personave të famshëm.
Departamenti i Drejtësisë i SHBA akuzoi Mason Sheppard, 19 vjeç, nga Bognor Regis, për komplot për të kryer mashtrim nëpërmjet internetit, komplot për të bërë pastrim parash dhe për hyrje të qëllimshme në një kompjuter të mbrojtur. Ai gjithashtu është akuzuar edhe për pastrim parash.
Sheppard ishte një nga tre personat e akuzuar për hakimin, e llogarive që i përkisnin Bill Gates, Elon Musk dhe Barack Obama, ku pasi i ka marrë i ka përdorur për të postuar në lidhje me kuletat Bitcoin.
Mediat e huaja kanë raportuar se më shumë se 100,000 dollarë u vodhën në mashtrim. Mediat shtojnë se ai rrezikon të dënohet me 45 vite burg. Ka.Li/fjala.al
