Vetëm disa ditë na ndajnë nga rikthimi i Champions League dhe duket se skuadra e Barcelonës ka zbritur në Camp Nou për të filluar përgatitjet.
Katalanasit u rikthyen në fushë për të bërë të gjitha përgatitjet e nevojshme për takimin me Napolin.
Skuadra e Quique Setien kishte plot 17 ditë që nuk zbriste në fushë, pra që nga ndeshja e fundit e La Liga-s. Megjithatë duke mos mundur të merrte asnjë trofe kombëtar, as atë të La Liga-s, as Kupën e Spanjës këtë vit, katalanasit i kanë dhënë rëndësi të madh sfidës me Napolin për Champions League.
Ekipi i trajnerit Gennaro Gattuso do të zbresë më 8 gusht në Camp Nou, por deri atëherë skuadra katalanase shpreson që Antoine Griezmann, i cili ishte golashënuesi në Napoli, dhe Ousmane Dembele të rikuperohen nga dëmtimet e marra.
Gjatë stërvitjes së kësaj të diele vetëm Samuel Umtiti mungonte, pasi ka ende probleme me gjurin.
Ndërsa skuadra e Napolit u alarmua në ndeshjen e fundit të Serisë A, kur ylli i tyre, Lorenzo Insigne u largua nga fusha në ndeshjen kundër Lazio për shkak të një dëmtimi.
Fituesi i ndeshjes së ardhshme, pasi e para mes Barçës dhe Napolit u mbyll me barazimin 1-1, do të udhëtojë për në Lisbonë për fazën çerekfinale të Champions League.ka.ta/Fjala.al/
