Shtatë raste të reja me COVID-19 janë konfirmuar ditën e sotme në qytetin e Elbasanit.
Burime për “Fjala.al” bëjnë me dije se ka rezultuar pozitiv me koronavirus një 60-vjeçar, anëtar i Dhomës së Avokatisë në Elbasan dhe se është një nga rastet e konfirmuara më parë.
Sipas të dhënave, dy prej shtatë rasteve të konfirmuara janë vatra të reja ndërsa 4 rastet e tjera janë kontakte të mëparshme.
Kujtojmë se gjatë 24 orëve të fundit, në vendin tonë kanë ndërruar jetë 4 persona, ndërsa 120 raste të reja kanë rezultuar pozitiv me koronavirus.
Sipas Ministrisë së Shëndetësisë, aktualisht në spital po trajtohen 119 pacientë./Bl.Ba/Fjala.al
