Një djalë i ri ka mbetur i plagosur rëndë në Shkodër pasi u qëllua me thikë nga një tjetër i ri, gjatë përplasjes mes tyre në një lokal në qendër të qytetit.
Nga provat e grumbulluara ka rezultuar se konflikti ka ndodhur në ambientet e jashtme të një bar-kafeje në lagjen Skënderbeg, në Shkodër, ku 24 vjeçari, pas një konflikti verbal me fjalë ka plagosur me thikë, djalin 20 vjeçar Emanuel Gjergjndreaj edhe ai, banues në fshatin Grudë e Re, Shkodër.
I riu aktualisht ndodhet në gjendje të rëndë, në Spitalin Rajonal Shkodër.
Pas njoftimit të marrë se i riu është plagosur me mjet prerës (thikë), shërbimet policore janë vënë në ndjekje për identifikimin dhe kapjen e autorit të kësaj ngjarjeje.
Nga veprimet hetimore, është bërë e mundur dokumentimi i plotë ligjor i ngjarjes kriminale, ku është arrestuar në flagrancë autori i dyshuar, K. H.,24 vjeç, banues në fshatin Grudë e Re, Shkodër.
Materialet iu referuan Prokurorisë së Rrethit Gjyqësor Shkodër, për veprat penale “Vrasja me paramendim, mbetur në tentativë” dhe “Mbajtja pa leje e armëve të ftohta”./Bl.Ba/Fjala.al
