Vllaznia ka arritur të mbijetojë në elitën e futbollit shqiptar, pasi ka mposhtur sot 3-1 Besëlidhjen në stadiumin “Loro Boriçi”.
Shkodranë kaluan në avantazh të dyfishtë me dy gola të shpejtë brenda katër minutash, fillimisht Kruja në të ’15-tën dhe më pas Marku në të 19-tën. Por në minutën e ’33, Xhorxheviç shfrytëzoj një rrëmujë në zonë duke ngushtuar diferencat në 2-1.
Me fillimin e fraksionit të dytë të lojës, ekipet ulën ritmin e lojës duke qenë më të kujdesshëm. Në minutën e 78-të ishte kapiteni Gilman Lika që realizoi golin e tretë për kuqeblutë dhe hipotekoi qëndrimin e Vllaznisë në Kategorinë Superiore.
/En.Br./Fjala.al
