Prokuroria e Tiranës ka përfunduar hetimet dhe ka dërguar në gjykatë dosjen ndaj Vladimir Gjutës.
Ndaj tij, organi i akuzës ka ngritur dy akuza, atë të kanosjes dhe goditjes për shkak të detyrës së punonjësve të Burgut 313.
Ngjarja ka ndodhur në janar të këtij viti ku sipas dosjes së akuzës Gjuta ka fyer, sharë dhe kërcënuar 6 punonjës së policisë së burgjeve.
Kërkesa e prokurorisë, tashmë është dërguar në gjykata dhe në ditët në vijim do të zhvillohet seanca paraprake, ku togat e zeza do të vendosin nëse do ta pranojnë kërkesën e prokurorisë apo jo për të marrë si të pandehur Vladimir Gjutën.
Kallëzimi ndaj tij, për këtë rast është bërë nga Drejtoria e Përgjithshme e Burgjeve.
Gjuta është një emër i njohur për drejtësinë, pasi ai njihet si një ndër personat problematik, pasi kohët e fundit ai është arrestuar për dhunë në familje.
Ndërsa më parë ka qenë hetuar për tritolin e vendosur në farmacinë e babait të ish-ministrit Saimir Tahiri, akuzë për të cilën fitoi pafajësi.
Në shkurt të këtij viti, Gjuta u arrestua pranë selisë së Partisë Socialiste në Tiranë me pistoletë në brez. Përveç armës së zjarrit, 40-vjeçarit iu gjet një sasi e konsiderueshme parash në valutë të huaj./Fjala.al/Ke.Ba
