Kryetari i Bashkisë së Lezhës Pjerin Ndreu ka dalë kundra aktit normative lidhur me ndalimin e organizimeve të dasmave në lokale për shkak të pandemisë së koronavirusit.
Ndreu ka reaguar duke dalë në mbështetje të pronarëve të lokaleve.
Ai thotë se është shumë e rëndë t’i ndalosh dasmën tjetrit.
“Jam pro shqetësimit të pronarëve të lokaleve të dasmave në Lezhë. Që ka diskriminim me qytetet e tjera është krejt e qartë. Gjithkush e di se dasmat në Shkodër, Tiranë, Durrës, Vlorë etj. nuk i ndalon askush. Shqetësimi ynë është adresuar disa herë. Dikush do dalë të thotë se Akti Normativ thotë këtë dhe atë. Po dakord, po njëlloj për të gjithë. Ose një protokoll me numër të limituar pjesëmarrësish, sepse është shumë e rëndë t’i ndalosh dasmën tjetrit. Ata që i shkruajnë ca gjëra si duket se kanë haberin se ca dmth me të prishë dasmën…”, shkruan Ndreu./Fjala.al/Ke.Ba
