Mjeku Roland Shuperka ka bërë një denoncim porsa i përket vaksinës kundër gripit. Përmes një statusi në rrjetin social “Facebook”, Shuperka shkruan se në farmaci vaksine gripi perëndimore cilësore, falas vaksinë Indiane.
Mjeku shkruan se qytetarët kanë të drejtën e informimit për vaksinën e gripit që do tu ofrohet falas.
Mes të tjerash mjeku pyet pse parapëlqehet të blihet vaksinë Indiane kur në Tiranë janë dy përfaqësitë e kompanive më me emër në Evrope në fushën e prodhimit të vaksinave, këto kompani po prodhojnë edhe vaksinën për Covid 19.
Postimi i plotë i mjekut Roland Shuperka
Diskriminim shtetëror:
Në farmaci vaksinë gripi perëndimore cilësore, falas vaksinë Indiane.
Mbulimi vaksinal ndaj gripit është pjesë e paketës së kujdesit shëndetësor parësor dhe ofrohet #falas për kategoritë e rrezikuara të përcaktuara nga Instituti i Shëndetit Publik.
Qytetarët kanë të drejtën e informimit për vaksinën e gripit që do tu ofrohet falas dhe konkretisht:
Ku është prodhuar vaksina e blerë, numri total i vaksinave, çmimi për njësi dhe informacion mbi efektivitetin e vaksinës. Fondi sigurohet nga buxheti i shtetit.
Del pyetje: Përse parapëlqehet të blihet vaksinë Indiane ?
Në Tiranë janë dy përfaqësitë e kompanive më me emer në Evrope në fushën e prodhimit të vaksinave, këto kompani po prodhojnë edhe vaksinën për Covid 19./la.mi/Fjala.al
