Autoritetet australiane bëjnë me dije se do t’i dhurojnë Libanit dy milionë dollarë australianë si ndihmë, pas shpërthimit që ndodhi në Bejrut.
Lajmin e bëri të ditur ministrja australiane për Punët e Jashtme, Marise Payne. Sipas saj, një milionë dollarë do t’i shkojnë Programit Botëror të Ushqimit, ndërsa një milionë të tjera për Kryqin e Kuq.
Ajo theksoi se si pasojë e kësaj tragjedie ka humbur jetën edhe një shtetas australian.
“Zemrat tona janë me njerëzit e Libanit dhe me ata që janë të brengosur për miqtë dhe familjen”, thuhet mes tjerash në deklaratë.
Deri më tani, janë raportuar të paktën 100 viktima dhe mbi 4 mijë të plagosur, si pasojë e shpërthimit në portin e Bejrutit.
la.mi/Fjala.al
