Deputeti Enver Roshi, i cili është prekur disa ditë më parë me Covid 19, është dërguar për mjekim në Turqi.
Ai u shtrua rreth një javë më parë në repartin e terapisë intensive në spitalin “Shefqet Ndroqi”, ndërkohë që tashmë ka shkuar drejt Turqisë.
Kjo tregon edhe mungesën e theksuar të mundësive për kurimin e të sëmurëve me Covid-19 në spitalet e vendit tonë.
Të paktën kështu lë të kuptohet ky veprim dhe njëkohësisht shqetësim i ngritur përmes një postimi në rrjetin social Facebook nga mjeku Roland Shuperka.
Ndër të tjera në reagimin e tij ai shkruan se ‘Kur një specialist i këtij niveli ikën në Turqi për trajnim me siguri nuk ka besim te sistemi shëndetësor shqiptar’.
Postimi i plotë
Përse ndodh kjo?
I uroj z.Enver Roshi shërim të shpejtë. Z.Enver Roshi është me Covid 19 dhe disa ditë që, sipas mediave ka shkuar në Turqi për trajnim. Deri këtu është ok. Z.Roshi është profesionist në shendet publik dhe kryetar i komisionit parlamentar të shëndetësisë.
Del Pyetja:
Kur një specialist i këtij niveli përse ikën në Turqi për trajtim?
Me siguri nuk ka besim te sistemi shëndetësor shqiptar.
Detyra që ka, është të ndërtojë politika shëndetësore në shërbim të qytetarëve, por fakti është tjetër…
Ministria e Shëndetësisë të bëj transparent fondin për trajtimin e Z.,Roshi, mbasi avioni e të tjera kanë kosto financiare.
Ose Ministria duhet të lidhë kontrata me këto spitale edhe për trajtimin e bqytetarëve të tjerë dhe jo vetëm për deputetë e ministra. Flm për mirëkuptimin./Bl.Ba/Fjala.al
