Sajmir dhe Arsil Shera, janë dy vëllezërit e arrestuar në Tiranë nga policia për vrasjen e taksistit 71-vjeçar Abdulla Budlla.
Ngjarja tragjike ndodhi pasditen e të hënës, ku vëllezërit vranë me kallashnikov taksistin, trupi i pajetë i të cilit u gjet pak metra larg mjetit të tij.
Siç raporton policia, njëri prej vëllezërve, 32-vjeçari Sajmir Shera, ka qenë i dënuar më parë, ndërkohë që iu është sekuestruar edhe mjeti me të cilin kanë kryer krimin.
Burime bëjnë me dije se prova më e fortë që implikon atë dhe vëllanë e tij Arsil Shera në këtë krim, është pikërisht automjeti i tyre ku ka rënë edhe gëzhojat e 7 plumbave me të cilin ekzekutuan viktimën.
Ata kanë mohuar të kenë lidhje me ngjarjen, ndërsa pritet të merren sërish në pyetje gjatë ditës së sotme.
Policia dyshon se konflikti mes tyre ka nisur për motive të dobëta, por nuk përjashtohet pista se ata mund të jenë edhe vrasës me pagesë.
Njëri nga dy vëllezërit dyshohet të ketë shkrepur armën, ndërsa tjetri ka qenë në rolin e shoferit.
Gjatë operacionit, policia gjeti dhe sekuestroi edhe mjetin që kanë përdorur dy vëllezërit për të kryer krimin.
Bo.Ba/fjala.al
