Ambasada e SHBA-së ka bërë një reagim të fortë lidhur me reformën në drejtësi, ku mbështet punën e prokurorëve dhe gjykatësve të SPAK-ut.
Në një postim në rrjetet sociale, në mesazhin e saj lë të nënkuptohet te oficerët e policisë, prokurorët dhe gjykatësit janë kërcënuar në kryerjen e punës së tyre.
Ajo bën apel që ata të lejohen të bëjnë punën e tyre pa kërcënime dhe kanosje, pavarësisht kush është i pandehur.
“Ambasada e SHBA-së mbështet me forcë punën e pavarur dhe profesionale të Policisë së Shtetit dhe SPAK-ut. Profesionistët e sistemit të drejtësisë – oficerët e policisë, prokurorët dhe gjykatësit – duhet të lejohen të bëjnë punën e tyre pa kërcënime dhe kanosje, pavarësisht kush është i pandehur. Ka ardhur koha që të lejohen të kryejnë detyrat e tyre dhe të mbështeten përpjekjet e tyre për të luftuar krimin e organizuar. Kjo është e vetmja mënyrë që shqiptarët të kenë sistemin profesional dhe të paanshëm të drejtësisë që meritojnë, dhe të ecin përpara drejt integrimit në BE.” thuhet në postimin e ambasadës së SHBA-së në Tiranë.
/En.Br./Fjala.al
