Detaje të reja kanë dalë në dritë nga ngjarja horror e cila tronditi qytetin e Pogradecit pasditen e djeshme, pasi rreth orës 18:15, Olsi Çekiçi, 44 vjeç, vrau nënën e tij 70-vjeçare, Firdes Çekiçi.
Grupi hetimor bën me dije se ai në fillim e ka goditur me një dru dhe më pas ia ka prerë kokën, duke ia varur tek porta e shtëpisë.
Burime bëjnë me dije pasi mësohet se Olsi Çekiçi e ka goditur nënën e tij në prani të vajzës së tij 15 vjeçare.
Kjo e fundit ka parë që i ati, 44-vjeçari Olsi Çekiçi, po sulmonte me thikë gjyshen, Firdes Çekiçi, dhe ka njoftuar me telefon policinë, duke u larguar menjëherë nga banesa me një biçikletë nga frika.
Patrulla e Përgjithshme është nisur drejt adresës që iu ka dhënë adoleshentja, ku kanë gjetur autorin e krimit duke tentuar të vrasë të vëllanë, teksa e ëma kishte ndërruar jetë.
Ndërhyrja e menjëhershme e patrullës bëri që ngjarja të mos kishte përmasa edhe më të mëdha. Ndërkohë, mësohet se 15-vjeçarja, pasi ka dalë nga shtëpia, ka gjetur një patrullë policie dhe iu ka rrëfyer ngjarjen.
Sipas saj, i ati e ndiqte gjyshen nëpër shtëpi me thikë dhe i thoshte ‘boll jetove’. Autori i krimit të tmerrshëm ka qenë i dënuar në Itali për drogë dhe vjedhje në vitin 2013, ndërsa prej vitit 2017 ai ishte kthyer në Shqipëri.
Kur policët kanë hyrë në banesë për ta arrestuar kanë parë tmerr me sy. 44-vjeçari nuk ka bërë rezistencë dhe është arrestuar, por më parë u ka thënë policëve: Mos u afroni, do bëheni pis me gjak, është gjak me magji.
Edhe vetë ai ka pasur disa shenja plage. Ndoshta mund të jetë përleshur me vëllain, i cili ndodhet në spital pas plagëve të marra në kokë. Të dy vëllezërit raportohet të jenë me të meta mendore./Bl.Ba/Fjala.al
