Sot në mbrëmje rikthehet magjia Uefa Champions League, pas një ndalese disa mujorëshe për shkak të pandemisë COVID-19.
Një spektakël i vërtetë pritet në Angli, aty ku Manchester City dhe Real Madrid do të zbresin në fushë për të “luftuar” se kush do ta presë biletën për në çerekfinale. Skuadra e Pep Guardiolës e ka fituar ndeshjen e parë 2-1, por gjithsesi në duele të tilla është shumë e vështirë për të përcaktuar një favorit.
Në Torino, Juventus pret Olimpik Lionin ndaj të cilit kërkon përmbysjen. Italianët janë mundur në ndeshjen e parë 1-0. Lyon sigurisht nuk hap rrugë, ndërkohë që trajneri Sarri përballet me disa mungesa për shkak dëmtimesh.
Ndërkohë, mbrëmjen e nesërme në drejtkëndëshin e gjelbër zbresin Barcelona – Napoli dhe Bayern Munich – Chelsea.
Spanjollët do të kërkojnë fitoren në vendin e tyre pas barazimit 1-1 në Itali, ndërsa në duelin tjetër gjermanët do e kenë më të lehtë përballë angelëze pasi fituar 0-3 që në ndeshjen e parë./En.Br./Fjala.al
