Ka ndërruar jetë në spital, drejtuesi i automjetit të përfshirë pasditen e sotme në aksidentin pranë fshatit Fushë Dukat, Vlorë.
Viktima është shtetasi me iniciale R. Sh., 25 vjeç, banues në Korçë.
Duke drejtuar automjetin tip Seat shoqëruar me dy pasagjerë të tjerë, ai humbi kontrollin e mjetit dhe u përplas me murin anësor të rrugës.
Të tre u transportuan me urgjencë në spital, por fatkeqësisht 25-vjeçari nuk ka arritur dot t’iu mbijetojë plagëve të marra.
Dy pasagjerët e tjerë ndodhen jashtë rrezikut për jetën.
Policia vijon punën për zbardhjen e plotë të rrethanave të aksidentit./En.Br./Fjala.al
