Aksident me pasojë një person në gjendje të rëndë është regjistruar ditën e sotme në Ksamil.
Ngjarja ka ndodhur rreth orës 13:00, në aksin rrugor Sarandë-Ksamil, pranë fshatit Berdenesh, ku automjeti tip ‘Skoda’ ka humbur kontrollin dhe është përplasur me pjesën anësore të rrugës.
Si pasojë është dëmtuar rëndë drejtuesi i mjetit, shtetas maqedonas, i cili është transportuar për në Spitalin e Sarandës ku po merr ndihmën e nevojshme mjekësore dhe raportohet se ndodhet ende nën kujdesin e mjekëve.
Policia dhe grupi hetimor po kryejnë veprimet e mëtejshme për sqarimin e rrethanave të plota të aksidentit./Bl.Ba/Fjala.al
