Veprimtaria më prestigjioze e klubeve të kontinentit, Liga e Kampionebve, ka nisur kështu marshimin e saj final, në një kohë që, zakonisht, në këtë periudhë, skuadrat duhet të ishin duke nisur planet për sezonin e ri.
Me vetëm dy skuadra ish-fituese të mbetura në konkurrim, pa Kristiano Ronaldon dhe pa tifozë, Liga e Kampioneve, më e pazakonta në historinë e saj, zhvendoset në Lisbonë këtë javë, në përgatitje për çerekfinalet, me perspektivën intriguese që ky format i ri të mund të çojë në fituesin e ri të trofeut.
E megjithatë, hija e virusit korona, vazhdon të jetë e pranishme edhe aty, pasi u njoftua se dy futbollistë nga Atletiko e Madridit, e një tjetër nga skuadrat e ardhura në Portugali, kanë rezultuar pozitivë. “Të shtunën, të gjithë anëtarët e ekipeve të para dhe stafet e tyre në Lisbonë iu nënshtruan testeve siç kërkohet nga protokollet e UEFA-s, – thuhet në deklaratën e parë. – Ndër rezultatet e njohura deri tani, janë shfaqur dy lojtarë pozitivë, dhe ata janë izoluar në shtëpitë e tyre përkatëse.” Barcelona dhe Bajerni i Mynihut, me nga 5 trofe të Kupës/Ligës së Kampioneve secila, do të përballen me njëra-tjetrën, të premten në “Estadio da Luz”.
Dhe vetëm një do të arrijë në gjysmëfinale. Por mbase këtë herë fituesi do të shkojë diku tjetër, te Mançester Siti dhe Paris SG. Që të dy kanë arsye të besojnë se ky do të jetë viti ku ata shpërblehen, të nxitur edhe nga shumat e mëdha të parave të shpenzuara nga pronarët e tyre me pasuri të jashtëzakonshme.
Por pas rezultimit së fundmi me “Covid-19”, Atletiko e Madridit do të testohet sërish. Spanjollët do të përballen me Lajpcigun në Lisbonë të enjten, ndërsa të mërkurën Atalanta luan me Paris SG. Por sërish ka yje që do të zbresin në fushë, si: Mesi, Levandovski, Kilian Mbape deri te Nejmar dhe Kevin De Bryjne, edhe pse stadiume të zbrazëta./Fjala.al
