Shpesh kemi dëgjuar të moshuarit të thonë që tre momentet më të rëndësishme për njeriun janë, lindja, martesa dhe vdekja. Dy të parat nuk janë në dorën tonë, ndaj ‘pushtet vendimmarrjeje’ kemi vetëm për dasmën.
Si këshillë e vyer nga të parët tanë kemi amanetin që martesa duhet të bëhen në çdo kohë, qoftë luftë, paqe apo periudhë pandemie si po kalojmë tani.
Futja në karantinë anuloi shumë dasma në lokale, por disa vendosën të bëjnë dasma të thjeshta me praninë e vetëm disa familjarëve. Por, menjëherë sapo dolëm nga karantina filluan dasmat në lokale.
Edhe pse sot është e ndaluar me ligj që të bëhen dasma në lokale, ato vijojnë të bëhen.
Një nga simbolikat e dasmave janë dhe ftesat që u jepen mysafirëve. Dikur ftesa për në dasmë ishte vetëm një fjalë goje, por sot është sofistikuar shumë. Çiftet janë gjithmonë në garë se cili do këtë ftesën më të bukur.
Por, sot në këtë kohë pandemie kur njerëzit kanë frikë që të shkojnë në dasmë prej virusit, ftesa ideale është në një maskë. Miqtë mund të vijnë në dasmë, por dhe të ruajnë veten.
Si e komentoni këtë ide për ftesa dasme? la.mi/Fjala.al
