Plot 40 vjet më parë u shua një nga mendjet më të ndritura shqiptare, një intelektual i klasit të parë, një albanolog i shkëlqyer e patriot i madh, Eqrem Çabej.
Në këtë ditë përkujtimore ka qenë ministrja Elva Margariti ajo që ka ndarë një foto të tij teksa e shoqëron me një tekst të shkurtër për figurën e tij.
Ajo shkruan se Eqrem Qabej i brumosur me një kulturë perëndimore, ndonëse me një të ardhme të sigurt përpara, në Vjenë, ai zgjodhi Shqipërinë dhe gjithë jetën ia dedikoi zbulimit të rrënjëve të shqipes e çështjeve të tjera që lidheshin me gjuhën, folklorin e letërsinë.
“Edhe në ditët më të zymta të diktaturës, Çabeji ruajti të pacenuar dinjitetin e shkencëtarit, intelektualit dhe sharmin e një zotërie të vërtetë. Një pikë referimi pa kohë, pa të cilën albanologjia shqiptare do të ishte e gjymtuar”, shkruan Elva Margariti.
Eqrem Çabej u lind në Gjirokastër më 6 gusht të vitit 1908. Mësimet e para i mori në vendin e lindjes prej 1915 e deri më 1920, më pas për të vazhduar studimet u dërgua në Austri.
Pas mbarimit me sukses të studimeve universitare në Universitetin e Vjenës 25 – vjeçari u kthye në Shqipëri, me dëshirën e madhe për të dhënë kontributin e tij në Atdhe. Si fillim punoi si mësues në disa shkolla të mesme. Në 1947, ai u caktua anëtari Institutit të Shkencave, instituti paraardhësi Universitetit të Tiranës. Nga 1952 deri më 1957, Çabej shërbeu si profesori historisë së Shqipërisë dhe fonetikës historike. Në 1972, ai u bë anëtar themeluesi Akademisë së Shkencave.
Çabej u specializua në gjuhë si në krahasuese indo-evropiane. Veprimtarinë shkencore e shtjelloi në gjuhësi, por edhe jashtë saj, në folklor, etnografi dhe histori të letërsisë.Vend zënë studimet etimologjike dhe leksikologjike historike, dialektologjia e onomastikës si edhe kodifikimi i gjuhës letrare. Çabej ka dhënë një ndihmë të çmuar me një varg sqarimesh etimologjike gjatë hartimit të Fjalorit të Gjuhës Shqipe të botuar në Tiranë, më 1980. Eqrem Çabej është dekoruar me urdhrin “Nderi i Kombit”. Vdiq më 13 gusht 1980 në një klinikë të Romës./Bl.Ba/Fjala.al
