Sa pranë, sa larg… Atalanta ëndërron, por Paris SG përmbys “in-extremis”

113 563 lexime

124,178FansaPëlqeje

Sa pranë, sa larg… kështu mund të përmblidhet ajo që me të drejtë mund të quhet edhe “ëndrra e një nate vere” për Atalantën, pasi skuadra italiane është dorëzuar vetëm 20 sekonda para fundit të kohës së rregullt, duke vijuar të pësojë një gol të dytë në minutat shtesë dhe duke u mundur 1-2 përballë Paris SG-së, në takimin e parë të çerekfinaleve të Ligës së Kampioneve, të luajtur në Lisbonë.

Takimi që ngriti siparin e asaj që është mbiquajtur “8-shja finale” e veprimtarisë më prestigjioze të klubeve të kontinentit, që gjeti këtë zgjidhje të veçantë për të arritur ta mbyllë këtë sezon të goditur rëndë nga epidemia e virusit korona, ka qenë drithërues nga fillimi deri në fund, me Atalantën më mbizotëruese në pjesën e parë, duke gjetur edhe golin e epërsisë pas 27 minutash lojë, me anë të Pashaliçit.

Me këtë epërsi minimale të italianëve do të mbyllet pjesa e parë, ashtu sikundër edhe e dyta do të nisë më mirë për skuadrën e trajnerit Gasperini. Por futja në fushë e Mbapesë, në gjysmëorën e fundit të ndeshjes, ndryshoi shumëçka për skuadrën pariziene dhe këmbëngulja e saj do të shpërblehet në gjysmën e dytë të minutës së fundit të kohës së rregullt, kur Markinjos barazon shifrat në 1-1.

Ritmi i lojës do ta mbajë Paris SG-në në sulm në 5 minutat shtesë dhe, në të 3-tën, është një skemë e ekzekutuar mjeshtërisht nga Nejmari dhe Mbapeja, me këtë të fundit që pason saktësisht për Shupo-Motingun, i cili nuk e ka të vështirë të shënojë një gol si të luante me porta të vogla. Edhe pse Atalanta ka një mundësi në minutën e 7-të të shtesave eventuale, Paris SG-ja fiton 2-1 dhe shkon në gjysmëfinale.

Lexo edhe :  Episodi i rracizmit me Juan Jesus, gjykata sportive jep vendimin për Acerbi

Merr kështu fund ëndrra e pabesueshme e Atalantës, e cila do të ishte e 3-ta skuadër në histori që do të shkonte në gjysmëfinale të Ligës së Kampioneve që në pjesëmarrjen e saj të parë, pas Aston Vilës dhe Vijarealit. Ndërkaq, Paris SG-ja rikthehet në gjysmëfinale pas një mungese prej 25 vitesh. Mbrojtësi i Kombëtares kuqezi, Berat Gjimshiti, u aktivizuar për 60 minuta në këtë takim.

la.mi/Fjala.al

Të fundit

Një zakon i thjeshtë i përditshëm që mund të përmirësojë kujtesën

Studiuesit shikuan se cilat zakone të përditshme mund të përmirësojnë kujtesën tonë dhe dolën me një shumë të thjeshtë...

Heidi dhe Romeo shkëmbejnë puthje pasionante në lavanderi

Romeo dhe Heidi duket se kanë bërë paqe me njëri-tjetrin dhe të kaluarën e kanë lënë pas. Teksa mbrëmjen e djeshme dyshja është parë...

SPAK arreston disa zyrtarë të Bashkisë së Tiranës

Disa drejtorë të Bashkisë së Tiranës kanë përfunduar në prangat e policisë me urdhër të SPAK. Midis të arrestuarve, është Mariglen Qato dhe Redi...

Ky model flokësh do të bëjë “namin” këtë sezon pranverë-verë

Ka një vend të veçantë në zemrat tona për modelet e flokëve që janë të lehta dhe të shpejta, pa mundim, duken sikur kemi...

Studimi: Njerëzit që flasin dy gjuhë kanë më pak shanse për të zhvilluar demencën

Shkencëtarët në Indi kanë gjetur më shumë prova se njerëzit që flasin dy gjuhë kanë më pak gjasa të zhvillojnë demencë në krahasim me...

Lajme të tjera

Web TV