Deputeti i opozitës, Halit Valteri ka reaguar në lidhje me situatën e krijuar në pikën e kalimit kufitar të Kakavijës, e cila është bllokuar nga radhët e gjata të emigrantëve.
Me anë të një postimi në rrjetet sociale, Valteri ka bërë thirrje për zgjidhje urgjente pasi qytetarëve po iu rrezikohet shëndeti jo vetëm nga virusi, por edhe nga zhegu i vapës së mesgushtit.
Postimi i plotë
E dhimbshme ajo që po ndodh me bashkëatdhetarët tanë në pikën e kalimit kufitar të Kakavijës. Prej 48 orësh burra, gra, fëmijë dhe të moshuar ndodhen në bllokuar në mes të temperaturave mbi 40 gradë. Papërgjegjshmëria e përsëritur nga ana e autoriteteve greke ka gjetur paaftësinë e palës shqiptare për t’i dhënë zgjidhje ngërçit të krijuar nga një vendim i njëanshëm i Athinës për të bllokuar doganën. Duhet zgjidhje urgjente dhe pa humbur kohë nga Qeveria dhe Ministria e Jashtme.
Indiferenca juaj rrezikon jetë. Në kohë pandemie qytetarëve iu rrezikohet shëndeti jo vetëm nga virusi, por edhe nga zhegu i vapës së mesgushtit. Zgjidhje urgjente për të minimizuar pasojat, ndryshe përgjegjësia do të bjerë mbi ju dhe vetëm mbi ju.
Ka.Li/fjala.al
