Portieri i kombëtares shqiptare, Etrit Berisha sezonin e ri pritet të mbrojë portën e Torinos.
Berisha është rikthyer te Atalanta pas përfundimit të huazimit te Spal, i rënë nga kategoria, por nuk ka ndërmend që të qëndrojë te ekipi bergamask.
Sipas mediave italiane, ekipi torinez ka shfaqur interesim konkret për gardianin kuqezi, pasi shihet si zëvendësuesi ideal i Salvatore Sirigut.
Ndërkohë në anën tjetër edhe Samir Ujkani pritet ta vazhdojë kontratën me Torinon. Mediat vendase raportojnë se portieri i Kosovës është pajtuar të vazhdoj qëndrimin në Torino edhe për një vit tjetër me pagën e njëjtë.
Kështu dy portierët shqiptarë përsëri do të jenë shok skuadre si në kohën kur ishin tek Kombëtarja e Shqipërisë./En.Br./Fjala.al
