Situata në pikën kufitare të Kakavijës vijon të jetë problematike, ndërkohë që në Kapshticë duket më e qetë. Për momentin radha e makinave në pikën kufitare të Kapshticës mësohet të jetë 3 km.
Po ashtu bëhet e ditur, se në Kapshticë, pala greke po punon me 4 sportele. Ndërkohë ditën e djeshme, vargu i makinave në Kapshticë shkoi 3.5 km. Gjatë natës ashtu si në Kakavijë edhe në Kapshticë, pala greke nuk ka punuar.
Në Kakavijë ndërkohë situata vijon të jetë problematike. Për shkak edhe të festës së Shën Mërisë, pala greke po punon me staf të reduktuar. Ndërkohë vargu i makinave sa vjen e shtohet dhe ka shkuar deri në 25 km.
Njerëz të shumtë ndodhen aty prej orësh dhe disa prej tyre kanë shfaqur dhe probleme shëndetësore. Ka.Li/fjala.al
