Pas Urës Vajgurore, tashmë po kërkohet t’i ndryshohet emri dhe qytetit të Sarandës. Një grup intelektualësh nga ky qytet kanë hedhur idenë e ndryshimit të emrit, duke i rikthyer asaj emrin që ka mbajtur në lashtësi.
Propozimi vjen vetëm pak kohë pasi Këshilli Bashkiak i “Urës Vajgurore” votoi unanimisht pro ndryshimit të emrit për qytetin që tashmë quhet Dimal, si emri ilir i qytetit antik që ndodhet në atë zonë.
Rikujtojmë se qyteti i Sarandës ka mbajtur emrin Zogaj në periudhën e mbretit Zog.
Onhezi, emri që është propozuar mund të ketë dy kuptime, Onhezi ishte një erë juglindore e cila frynte dhe lehtësonte udhëtimet me varka e anije dhe kuptimi i dytë është se sipas legjendave Onkizi ishte babai i Eneas.
Gjatë pushtimit italian, Saranda është quajtur për pak kohë “Porto Eda”, për nder të vajzës së madhe të Benito Mussolinit. Ka.Li/fjala.al
