Një rezultat surprizë na ka dhuruar dueli i mbrëmjes së sotme për çerekfinalen e Ligës së Kampionëve mes Manchester City-t dhe Olimpik Lyon.
Francezët kanë arritur të fitojnë me rezultatin e pastër 1-3 në në “Estadio Jose Alvalade” të Lisbonës, duke çuar në shtëpi skuadrën e Guardiolës.
Të besuarit e Rudi Garcia-s gjetën rrugën e rrjetës në minutën e ’24 të takimit me Maxwel Cornet. Në minutën e ’69 Kevin De Bruyne do të shënonte golin e barazimit për anglezët dhe u duk se rrjedha e ndeshjes ndryshoi por nuk rezultoi kështu.
Ka qenë i sapofuturi në fushën e lojës Moussa Dembele i cili ka shënuar dopietë në minutën e ’79 dhe ’87 të takimit, duke i dhuruar një fitore historike Lyon-it në Ligën e Kampionëve.
Tashmë janë përcaktuar dhe dy çiftet gjysmëfinaliste, të cilat janë Leipzig-PSG dhe Lyon Bayern Mynih./En.Br./Fjala.al
