Sevija ka siguruar një biletë për në finalen e Ligës së Evropës, pasi ka triumfuar me përmbysje përballë Mançester Junajtid në “Rhein Energie Stadion” të Këlnit në Gjermani.
Pesë herë kampionët e Ligës së Evropës kanë arritur të fitojnë me rezultatin 2-1 përballë “Djajve të kuq”, duke i eliminuar këta të fundit nga gara.
Britanikët filluan mirë ndeshjen duke kaluar në avantazh falë një penalltie të shënuar edhe një herë nga Bruno Fernandes (9’), por spanjollët barazojnë me një aksion vërtetë të bukur të finalizuar nga ish-milanisti Suso në minutën 26.
Kur të gjithë prisnin që Junajtid të shënonte golin e dytë, ishte Luk De Jong ai që i shtangu të gjithë më minutën e 78-të, duke i siguruar kualifikimin andaluzianëve për herë të gjashtë në finalen e Ligës së Evropës.
Sevija do të ndeshet në finale me fituesin e sfidës tjetër mes Interit dhe Shaktjar Donjeck.
/En.Br./Fjala.al
