Ish-presidenti Barack Obama ka një listë me këngët e tij të preferuara ashtu si çdokush tjetër. Këtë e ka bërë të ditur vetë ai përmes një postimi në Twitter.
Obama ka treguar se gjatë muajve të fundit, ai ka kaluar shumë kohë duke dëgjuar muzikë dhe ka dashur të ndajë disa nga më të preferuarat e kësaj vere.
Vihet re që në mesin e këtyre këngëve është edhe një këngë nga artistja shqiptare Dua Lipa.
Bëhet fjalë për bashkëpunimin e saj me artistët latinë, J Blavin e Bad Bunny dhe këngën e tyre ‘Un Dia’.
“Gjatë muajve të fundit, kam kaluar shumë kohë duke dëgjuar muzikë me familjen time. Doja të ndaja disa nga të preferuarat e mia nga kjo verë, përfshirë këngë nga disa prej artistëve të këtyre javëve. Shpresoj t’i shijoni”, shkruan Obama./Bl.Ba/Fjala.al
