Lajpcigu sfidon Paris SG-në për një vend në finalen e madhe të 23 gushtit 2020. Liga e Kampioneve luan sonte aktin e parë të gjysmëfinaleve dhe në pamje të parë, duket si një përballje midis Davidit dhe Golias, pasi rishtarët e Lajpcigut sfidojnë gjiganten franceze, Paris SG-në, për një vend në finalen e madhe të veprimtarisë më prestigjioze të klubeve të kontinentit.
Sidoqoftë, të dyja skuadrat synojnë ta arrijnë, për herë të parë, finalen e kësaj veprimtarie dhe, nëse do t’ia dalë, Lajpcigu do të jetë skuadra e 7-të gjermane që arrin në këtë finale madhore, një shifër kjo që vjen e dyta vetëm pas skuadrave angleze. Ndërsa në anën tjetër, një fitore për Paris SG-në do të nënkuptonte se ajo bëhet skuadra e parë franceze, që nga ajo ajo e Monakos në 2003/2004-ën, që shkon deri në finale.
Për të arritur deri në gjysmëfinale, Lajpcigu ka eliminuar skuadra të mëdha të futbollit kontinental, të tilla si Benfika në fazën e grupeve, apo Totenhemi dhe Atletiko e Madridit në turin e 16-shes dhe në çerekfinale.
Dy të fundit i eliminoi edhe pse nuk pati shërbimet e Timo Vernerit, i cili kaloi tek Çellsi në merkaton e verës. Ndërkohë, Paris SG-ja u kualifikua në një grup që përmbante Realin e Madridit, Gallatasarajin dhe Klub Bryzhin.
Dhe, më tej, kampionia e Francës kapërceu sfidat e vështira në trajtën e Borusias së Dortmundit and Atalantës, për t’u rikthyer në finale të Ligës së Kampioneve, për herë të parë që nga sezoni 1994-1995.
Kilian Mbape ishte vendimtar edhe pse luajti për vetëm 30 minuta në fiton e vështirë ndaj Atalantës dhe duhet të rikthehet në formacionin e trajnerit Tomas Tuhel, i cili ka gjithashtu një përballje interesante me ish-nxënësin e tij, Nagelsman.
Ky i fundit, aktualisht trajneri i Lajpcigut, ishte ndihmësi i trajnerit të parizienëve, kur Tuheli drejtonte Augsburgun në Bundesligën gjermane.
La.Mi/Fjala.al
