Sebastian Smakaj 29-vjeç, kampion i boksit në Shkodër është shpallur në kërkim së bashku me vëllanë për vrasjen e ish-lojtarit të Vllaznisë Gledis Kraja mbrëmjen e djeshme.
Burime nga policia e Shkodrës bëjnë me dije se Sebastian Smakaj qëlloi me breshëri automatiku 23-vjeçarin Kraja.
Autori ka qenë në vendngjarje së bashku me vëllain e tij në momentin e ngjarjes dhe janë larguar pas vrasjes së bashku me një makinë tip ‘Peugeot’ ngjyrë gri.
Policia e Shkodrës po punon për arrestimin e autorit.
I riu i cili mbeti i vrarë mbrëmjen e djeshme në Shkodër, 23-vjeçari Gledis Kraja, rezulton që të ketë qenë ish-futbollist i ekipit të Vllaznisë deri para disa vitesh.
Ai u ekzekutua me breshëri automatiku, teksa po lëvizte me makinë, duke gjetur vdekjen më vonë në spital.
Si të dyshuar për krimin, policia ka shpallur në kërkim shokun e tij Sebastjan Smakaj, i cili rezulton kampion i arteveve marciale.
Ai është shpallur kampion në vitin 2015, në kategorinë e “Taekwondo” për peshën 80 kilogramë.
Dyshohet se krimi ka ndodhur pas një sherri për motive të dobëta, ku i riu me origjinë nga Lezha u ekzekutua teksa po udhëtonte me makinën e një shoku të tij tip “Ford”, në lagjen “Daniel Matlija”./Bl.Ba/Fjala.al
