Dy djem xhaxhallarësh janë konfliktuar fizikisht me njëri-tjetrin në Berat dhe njëri prej tyre ka mbetur i plagosur me send të mprehtë.
Mësohet se Nëntor Keci, 28 vjeç, për motive të dobëta, ka goditur me send të mpreht në trup, djalin e xhaxhait, Shpëtim Keci, 28 vjeç.
Ngjarja ka ndodhur mbrëmjen e djeshme, rreth orës 22:15, në lagjen “Kushtrimi”. Shpëtim Keci ka marrë fillimisht mjekim në spitalin e Beratit dhe më pas në gjendje të rëndë është transferuar për mjekim në Spitalin e Traumës Tiranë.
28-vjeçari Nëntor Keci është arrestuar nga policia për t’u përballur me drejtësinë.
Materialet i kaluan Prokurorisë së Rrethit Gjyqësor Berat për veprën penale “Plagosje e rëndë me dashje”, parashikuar nga neni 88 i Kodit Penal./En.Br./Fjala.al
