Deputeti i opozitës parlamentare, Enver Roshi ka folur nga Turqia për grupin mediatik “Fjala” rreth gjendjes së tij shëndetësore. Roshi konfirmon për “Fjala” se ai ka fituar betejën me virusin e frikshëm Covid-19 dhe është mirë, por duhen jave që ai të rehabilitohet plotësisht.
Deputeti i cili njëherësh është dhe kreu i komisionit të Shëndetësisë deklaroi se nuk i ka ndjekur zhvillimet politike në vend për të mos pasur kompikacione me shëndetin.
“Ndihem më mirë ndonëse duhen javë të rehabilitohem plotësisht! Pranë më ka qëndruar vetëm familja dhe miqtë. Për ditët e vështira pastaj nuk mund ta përshkruaj emocionalisht dot në këtë moment!
Jam akoma në momente të tilla dhe nuk do doja asnjë lloj emocioni qoftë pozitiv apo negativ! Më bën dëm për shëndetin! Edhe lajmet nuk i kam ndjekur për këtë arsye!!”, deklaron mes të tjerave Roshi.
Enver Roshi u infektua me covid-19 më 28 korrik ku pas situatës së rënduar shëndetësore ai u shtruar në spitalin COVID 2 “Shfeqet Ndroqi”, ku dhe u trajtua me oksigjen.
Më pas ai u dërgua në Turqi për trajtim më të specializuar për shkak të komplikacioneve me sëmundjen.
La.Mi/Fjala.al
