Këngëtarja me famë botërore, Britney Spears, i është drejtuar gjykatës për t’i dhënë fund kontrollit të rreptë të babait mbi jetën dhe karrierën e saj, kontroll i ushtruar për më shumë se një dekadë.
Mediat shkruajnë se këngëtarja e muzikës pop po kërkon të largojë përgjithmonë të atin, James Spears si kujdestarin e saj mbi vendimmarrjen personale dhe financiare si dhe atë të kujdesit shëndetësor.
Atij iu caktua roli për të mbikëqyrur financat e së bijës në vitin 2008, pasi Spears shfaqi probleme të shëndetit mendor.
Jamie u tërhoq përkohësisht vitin e kaluar për shkak të problemeve shëndetësore, por roli u mor përsipër nga një kujdestare e pavarur profesioniste, Jodi Montgomery. Ka.Li/fjala.al
