Kanë dalë detaje të reja nga vdekja e Enisa Dodës. Vajza 17-vjeçara kishte shkuar për të pushuar në plazhin e Velipojës në vendin e quajtur “Vilun” është gjetur dje e pajetë rreth 700 metra larg bregut të detit.
Fillimisht u dyshua se ajo të ishte mbytur, por sot raportohen për detaje të tjera. Nga rezultatet e para të ekspertizës mjeko-ligjore konstatohet se ka shenja dhunë në trupin e vajzës edhe pse nuk është saktësuar ende se nga çfarë janë shkaktuar ato.
Pak më parë u mësua nga autopsia se në trupin e saj kishte të nxira por që mund të ishin shkaktuar nga përplasja në ujë.
Nuk dihet tashmë nga se janë shkaktuar shenjat e dhunës në trupin e Enisa Dodës, që në fillim u pretendua se u mbyt, teksa ka qenë dhuna shkaku u vërtetë i vdekjes së saj ditën e djeshme në det.
Ndërkohë është arrestuar edhe 25- vjeçari Indrit Bajraktari, me të cilin vajza ka qenë në motorin e ujit dhe më pas nuk ka dalë më nga deti.
Ka disa versione për këtë ngjarje, por sipas atij zyrtar nga Policia, Bajraktari dhe Doda kanë qenë bashkë në një motor uji me qera.
Kanë dalë për lundrim në orën 14:00 të 19 gushtit, teksa pas 2 orësh e gjysmë djali doli në breg pa motorin e ujit dhe la vajzën në det të mbytur./Bl.Ba/Fjala.al
