Një sherr në një lokal në në fshatin Spolatë në Divjakë ka përfunduar me një të plagosur me thikë. Ngjarja ndodhi paraditen e sotme rreth orës 10:20.
Sipas informacioneve nga policia bëhet e ditur se ai është A.K. 34 vjeç, banues në Gradishtë, ndërsa autori është 30 vjeç nga i njëjti fshat me inicialet E. T. i cili pas ngjarjes u fsheh në një kanal.
Duket se arratia zgjati shumë pak minuta, pasi u arrestua nga efektivët e policisë vetëm pak kohë pas ngjarjes.
Në cilësinë e provës materiale u gjet dhe u sekuestrua thika. Grupi hetimor po punon për zbardhjen e plotë të ngjarjes./Bl.Ba/Fjala.al
