Cverna Zvezda do të luajë ditën e martë në Tiranë në orën 20:00, në stadiumin “Air Albania”dhe megjithëse do të luhet pa tifozë, ish trajneri i Zvezdas dhe kombëtares serbe, Milan Zivadinovic paralajmëron për një provokim.
Në një intervistë për “Mondo”, ai u shpreh se futbollistët e Tiranës do të provokojnë lojtarët serb, pasi sipas tij nuk kanë rrugë tjetër për të arritur qëllimin përfundimtar. Ish-trajneri tha se lojtarët duhet të interesohen vetëm për lojtarët dhe rezultatin, sipas tij provokimi do të jetë i madh.
“Kjo ndeshje është e vështirë psikologjikisht dhe duhet të jenë sikur po luajnë në finale e Kupës së Botës. Provokimet janë pjesë e tyre. Kështu janë ata, gjithmonë kanë qenë provokatorë sepse e dinë që ne jemi të ndjeshëm.
Lojtarët e Zvezdës duhet të jenë të vëmendshëm dhe mos të bien si në ndeshjen Serbi-Shqipëri apo Zvicër-Serbi.
Mund të ketë skena të pakëndshme atje, tifozët do të bëjnë gjithçka për një organizim të veçantë. Ata njihen si mashtruesa, por do të jetë puna e UEFA-s më pas. Ndëshkimi më i madh për ta do të jetë që t’i mundim.”, u shpreh Zicadinovic.
