Sonte, bardheblutë e Tiranës do të luajnë kundër serbëve të Zvezdës, ndërsa nga ana e presidentit Refik Halili është vënë një superpremio në tavolinë.
Kështu, pas milionave të Tbilisit, presidenti pritet të hapë thesin dhe të japë një tjetër shpërblim në rast kualifikimi.
Sigurisht, nëse ekipi ia del, atëherë bardheblutë mund të marrin më shumë se 120 milionë lekët që morën në sfidën me Tbilisin.
Orët e fundit është folur për një premio 200 mijë euro, por ende nuk ka një konfirmim zyrtar, nga drejtuesit.
Zakonisht, Halili ua komunikon shumën e premiove lojtarëve pak orë para fillimit të ndeshjes./Bl.Ba/Fjala.al
