Taulant Balla, kryetari i Grupit Parlamentar të PS, u është përgjigjur deklaratave të presidentit Meta për çështjen detare me Greqinë duke i rikujtuar marrëveshjen me shtetin fqinj në vitin 2009.
Nëpërmjet një postimi në rrjetet sociale, nr.2 i Partisë Socialiste i kujton Presidentit Meta se ka qenë në qeverinë e Berishës kur kjo marrëveshje u nënshkrua dhe më pas u rrëzua nga Gjykata Kushtetuese falë këmbënguljes së PS, sipas Ballës.
“Për të mbrojtur marrëveshjen e me Greqinë, Sali Berisha kishte angazhuar si avokate të qeverisë së tij Marsida Xhaferllarin, të cilën Ilir Meta si President me një dekret të paligjshëm e ka pseudo-shpallur gjyqtare kushtetuese. Sali Berisha, Lulezim Basha dhe Ilir Meta ishin publikisht tre avokatët kryesorë të Marrëveshjes, kundër interesave të Shqipërisë.
Partia Socialiste e kundërshtoi publikisht paktin detar dhe përfaqësohej në Gjykatën Kushtetuese nga deputetë të Grupit Parlamentar, të ndihmuar edhe nga koloneli nderuar Myslym Pasha dhe ekspertë të tjerë”, shkruan Balla, teksa shton se Partia Socialiste ka qenë gjithmonë në anën e duhur të historisë. Ka.Li/fjala.al
