Largimi i mundshëm i futbollistit gjashtë herë fitues i këpucës së artë, Lionel Mesi, sjell trazira tek tifozët e Barcelonës, por shpresë në ekipet e tjera evropiane për të shkruar historinë. Cilat janë klubet e interesuara dhe që kanë forcën ekonomike për ta pasur në skuadër argjentinasin e shumëkërkuar
Ka shkruar historinë e futbollit, është pa dyshim “Mesia” e sportit më të ndjekur në botë dhe, pa dyshim një largim i tij nga Barcelona përbën kryelajmin e çdo merkatoje. Thuajse të gjitha gazetat dhe revistat sportive evropiane kishin si lajm të parë largimin e mundshëm të Mesit. Gazetat spanjolle, italiane, angleze, franceze dhe gjermane i kanë dhënë hapësirë kryesore largimit të Mesit. Nuk ka ndodhur as më parë, kur Lionel Mesi ka fituar këpucën e artë. Titujt e gazetave janë nga më të ndryshmit. Por, të gjithë janë në një mendje se largimi i Mesit nga Barcelona është lajmi më i rëndësishëm për këto ditë. Ndërkohë pas lajmit se Lionel Mesi mund të largohet nga Barcelona, shumë klube evropiane shfaqën interesin për të marrë shërbimet e gjeniut të futbollit. Ka shumë ekipe që kanë dashur të firmosin me yllin argjentinas për vite me radhë, dhe tani shohin një mundësi të artë për t’i fituar shërbimet e tij.
Të gjitha skuadrat ku mund të shkojë Lionel Mesi
Pas lajmit se Lionel Mesi mund të largohet nga Barcelona, shumë klube evropiane shfaqën interesin për të marrë shërbimet e gjeniut të futbollit. Ka shumë ekipe që kanë dashur të firmosin me yllin argjentinas për vite me radhë, dhe tani shohin një mundësi të artë për t’i fituar shërbimet e tij. Ekipet që mund ta përballojnë pagën e yllit argjentinas dhe që janë interesuar për të në më shumë se një rast janë Manchester City i Guardiolës, PSG dhe Inter. Nga ana tjetër, disa media raportojnë se Pep Guardiola tashmë ka folur në telefon me Mesin, dhe e ka informuar futbollistin se ai është shumë i interesuar për nënshkrimin e tij për Manchester City-t. Ndërkohë ka dhe zëra se për gjeniun e futbollit është i interesuar dhe Juventusi. Nëse Mesi pranon ofertën e Juventusit, i bie të luajë në krah të “armikut” të tij, Kristiano Ronaldo. Dhe nëse do të ndodhë kjo, i bie që Juventusi të ketë dy lojtarët më të mirë në botë.
Tifizët rrethojnë klubin, kundërshtohet largimi i Mesit
Tifozët e Barçës janë mbledhur rreth Camp Nou, pasi mësuan për largimin e mundshëm të Leo Mesit. Siç ka konfirmuar Barça, lojtari argjentinas ka komunikuar tashmë në klub se dëshiron të largohet nga ekipi. Klubi synon të përfitojë nga klauzola e kontratës së tij, që i lejon atij që të përfundojë në mënyrë të njëanshme në fund të çdo sezoni, megjithëse, sipas Barçës, ajo klauzolë ka skaduar në 10 qershor. Lajmi duket se nuk është pritur mirë nga një pjesë e tifozëve, të cilët janë mbledhur rreth stadiumit për të kërkuar shpjegime. “Indinjimi është maksimal brenda barcelonizmit. Jam i bindur që, nëse dikush nesër do të paraqiste një votim mosbesimi, partnerët do të nënshkruanin shpejt. Asnjëherë nuk do ta imagjinoja që Mesi të përfundonte kështu përballë klubit”, tha një tifoz. Bordi i drejtorëve, i kryesuar nga Josep Maria Bartomeu, po takohet urgjentisht në zyrat e klubit, pasi mësoi për qëllimin e kapitenit të Barçës dhe mund të bëjë edhe një deklaratë sonte, sipas Telecinco-s. Lojtari argjentinas do të largohej nga Barça pas 20 vjetësh në entitet, për shkak të rezultateve të dobëta sportive dhe marrëdhënies së tij të ftohtë me bordin. Javën e kaluar Ronald Koeman konfirmoi për Mesin se ai ishte pjesë e planeve të tij për projektin që ai duhet të fillojë, por biseda mund të mos e ketë bindur lojtarin argjentinas, ende të mërzitur nga ajo që ndodhi në Lisbonë. /Ra.My.Fjala.al/
