Policia italiane ka arrestuar një të mitur shqiptar pasi ka kërcënuar disa fëmijë të mitur duke i dhunuar e më pas i detyronte që ti jepnin të gjitha paratë.
Prezenca e të riut shqiptar është bërë shqetësuese për banorët e lagjeve të Genovës të cilët kanë njoftuar policinë për praninë e tij.
Pas disa denoncimeve në komisariat, karabinierët nisën kontrollet në vendet ku takoheshin të rinjtë, duke bërë të mundur arrestimin e të miturit shqiptar.
Gjatë verifikimeve të dokumenteve disa fëmijë morën guximin duke i thënë policëve se ishin plaçkitur nga 16-vjeçari shqiptar.
Ndërkohë më pas në polici mbërritën edhe fëmijë të tjerë, të cilët të shoqëruar nga prindërit e tyre denoncuan aktet e ngacmimit dhe grabitjes nga i mituri shqiptar.
I riu shqiptar është dërguar në burgun për të mitur në Piemonte të Italisë. Ka.Li/fjala.al
