Ish-drejtori i Arkivit në Ministrinë e Brendshme, historiani Kastriot Dervishi ka publikuar një informacion ku thotë se edhe kampit të internimit në Tepelenë i doli pronari.
Përmes një postimi në rrjetin social “Facebook”, Dervishi shkruan se brenda territorit të Kampit të Internimit të Tepelenës gjendet edhe parulla “pronë private” në një godinë.
Postimi i plotë i Kastriot Dervishit
Brenda territorit të Kampit të Internimit të Tepelenës, në peizazhin e degraduar të një vendi të harruar dhe lënë tmerrësisht pas dore, gjendet edhe parulla “pronë private” në një godinë. Nuk dihet historia e kësaj prone të mëtuar private, por gjurmë të aktivitetit blektoral aty i gjeje me lehtësi.
La.Mi/Fjala.al
