Vijon debati në rrjetet sociale mes kryeministrit Edi Rama dhe kryetarit të partisë Demokratike Lulzim Basha në lidhje me çështjen e ditëve të fundit për kufirin detar me Greqinë.
Shefi i qeverisë i është përgjigjur Bashës, në lidhje me transparencën që Partia Demokratike kërkon në lidhje me zgjerimin me 12 milje që Greqia ka paralajmëruar para pak ditësh.
Rama në një postim në Twitter, thekson se nuk ka si të ketë transparencë në momentin që nuk ka një marrëveshje.
“Për çfarë transparence e ke fjalën Lulëzim, kur s’ka as marrëveshje, as negociata qysh se ka ndryshuar qeveria në Greqi, ndërkohë që as me qeverinë e mëparshme marrëveshja s’është arritur?!
Ti do teatër vëlla që të zbavitësh ata që të vijnë në shfaqje, të kuptoj, lum ti medet ata!”, shkruan Rama.
Ndërkohë në statusin e fundit të tij kryedemokrati Basha e akuzonte kryeministrin për marrëveshje të fshehta, duke i bërë thirrje që të ishte transparent.
Gjithashtu këtë të premte Partia Demokratike në një deklaratë për mediat ka kërkuar nga qeveria transparencë ne lidhje me bisedimet e bëra me fqinjët përsa i përket zgjerimit të kufirit detar./Bl.Ba/Fjala.al
Për çfarë transparence e ke fjalën Lulëzim, kur s’ka as marrëveshje, as negociata qysh se ka ndryshuar qeveria në Greqi, ndërkohë që as me qeverinë e mëparshme marrëveshja s’është arritur?!Ti do teatër vëlla që të zbavisësh ata që të vijnë në shfaqje, të kuptoj, lum ti medet ata!
— Edi Rama (@ediramaal) August 28, 2020
