Anais Border dhe Samantha Futerman janë binjake. Por ato u gjetën pas 25 vitesh dhe krejt kjo falë kanalit Youtube.
Anais e cila ishte adoptuar në fëmijërinë e saj të hershme e gjeti motrën e saj binjake, Samantha përmes Youtube.
Ato nuk dinin për ekzistencën e njëra tjetrës por qysh si fëmijë kishin stilin e njëjtë të flokëve, urrenin karotat e ziera dhe pëlqenin ngjyrat e njëjta të thonjve.
Anais u rrit në Francë ndërsa studioi në Londër kur një mike e saj postoi në Youtube një trailer të filmit në të cilin dukej se ishte ajo në film por në të vërtetë nuk ishte andaj ajo vendosi ta hulumtojë këtë rast e shokuar me ngjashmërinë e madhe.
Ajo mësoi se vajza që ishte pjesë e filmit quhej Samantha dhe ishte një aktore e re nga Amerika.
Pas një muaji hezitimi, Anais vendosi t’i shkruajë Samanthas në llogarinë e saj në Facebook.
Samantha u shokua po aq sa Anais dhe të dyja vendosën që të takohen dhe të kryejnë testet e ADN-së. U zbulua se ato të dyja kishin lindur me 19 nëntor të vitit 1987, transmeton Klan Kosova.
Ndonëse njëra u rrit në Francë e tjetra në Amerikë, ato u shprehën se ndihen shumë të lumtura që u gjetën pas 25 vitesh.
La.Mi/Fjala.al
