Aleati nacionalist i presidentit të Turqisë Rexhep Taip Erdogan, Devlet Bahcelli ka lëshuar kërcënime për luftë me Greqinë.
Planet e Greqisë për të shtrirë ujërat e saj territoriale në 12 milje detare, sipas udhëheqësit të Partisë Nacionaliste për Veprim janë për qëllime lufte për Turqinë.
Teksa komentoi ftesën e kancelares Merkel për vendet e Bashkimit Europian për të mbështetur Greqinë, ai e cilësoi si thirrje për kryqëzatë, duke kërkuar edhe rishikimin e statusit të ishujve të Dodekanezit.
“Duke marrë parasysh karakteristikat gjeograke, politike dhe karakteristikat e tjera të Dodekanezit, ajo do të rigjallërojë shpresat për paqe dhe stabilitet në Egje dhe do të kompensojë padrejtësinë kundër vendit tonë, nëse statusi i tyre ligjor rishikohet”, u shpreh Bahcelli.
Mediat greke nisën të kishin epiqendër të raportimeve të tyre pikërisht deklaratat e tij, të cilat erdhën në përvjetorin e luftës kundër Greqisë.
Aleati i Erdogan është shprehur se zgjatja e ujërave territoriale Greke në 12 milje detare është një Casus Belli dhe shtrirja me 12 milje shihet si një plan i ri nga ana e Greqisë për të pushtuar Turqinë.
“Greqia dhe mbështetësit e saj të vegjël, të cilët nuk shohin dhe nuk interesohen për pasojat serioze që do të pësojnë nëse luajnë me nervat e kombit turk, janë mes një fushate provokimesh, të cilat do të kenë një fund shumë të keq”, tha ai.
Sipas tij, Greqia duhet këshilluar që të pranojë ligjin ndërkombëtar./Er.Ke/Fjala.al
