Kërkesa për largime Lionel Messit nga Barcelona është kryetema e mediave sportive në ditët e fundit.
Së fundmi, mediat spanjolle raportojnë se të mërkurën do të zhvillohet një takim mes Josep Maria Bartomeu, presidentit të Barçelonës, dhe Jorge Messi, babai i lojtarit.
Edhe pse situata është e tensionuar, mediat spaqnjolle raportojnë se Bartomeu dhe babai i Messi mbajnë kontakte telefonike. Ata do të takohen në mesjavë në mënyrë që të zgjidhin të ardhmen e kapitenit të Barçës, i cili dëshiron të largohet nga klubi.
Marrëveshja, megjithatë, nuk do të jetë e lehtë. Messi dëshiron një largim të dakorduar, dhe sipas informacioneve të ndryshme, “pleshti” ka një akord me Manchester City-n. Por Bartomeu nuk dëshiron të dëgjojë asgjë në lidhje me largimin e rënë dakord dhe i referohet klauzolës prej 700 milion eurosh që sipas Barçës, e përforcuar nga LaLiga në një deklaratë, është ende në fuqi .
Për më tepër, sipas “Mundo Deportivo”, Bartomeu, ndoshta dëshiron të ulet me babanë e Messit për të rifilluar bisedimet e rinovimit të kontratës, e cila u ndal disa muaj më parë.
Gjithsesi, kjo javë pritet të jetë përcaktuese për të ardhmen e argjentinasit te Barcelona./En.Br./Fjala.al
